د کندهار ښار په ديارلسمه ناحيه کي د ۸۵۰ متره کانال د رغولو چاري ۸۰ سلنه مخته تللي دي
کندهار ښاروالۍ د خپلو انکشافي کارونو په دوام د ښار په ديارلسمه ناحيه، پنځم ګذر کي د ميرزا احمد خان په کلاچه کي د يو مهم کانال او دوو پلچکانو د اساسي رغولو چاري جريان لري.
دغه کانال ۸۵۰ متره اوږدوالی، د ديوالونو په شمول ۴ متره بردوالی او د دوه متره په جګوالي سره په اساسي او معياري ډول رغول کيږي.
د دغه مهمي پروژې د رغولو چاري درې مياشتي مخکي پيل سوي دي چي تر دې مهاله يې ۸۰ سلنه کارونه مخته تللي دي او پاته کارونه به يې هم د يوې مياشتي په موده کي بشپړسي.
په ياده رغنيزه پروژه کي هره ورځ ۱۵۸ کسانو ته د کار کولو زمينه برابره سوې ده چي ۲۸ کسان په مسلکي ډول او ۱۳۰ کسان په غيري مسلکي ډول کار کوي.
د يادوني وړده چي دغه کانال د ميرزا احمد خان کلا چي د وروستۍ برخي څخه شروع بيا د زابر تر غاړي پوري رغول کيږي.
د همدې مهم کانال په رغولو سره د سيمي خلګو زياته خوښي وښودل او دکندهار ښاروالۍ ددې مهم ګام څخه ئې ځانګړې مننه وکړل.
