دکندهارولایت تجارانو او صنعت کارانو خپلی لاسته راوړنی او ستونزی د هرات ولایت له تجارانو اوصنعت کارانو سره د انلاین کنفرانس له لاری شریکي کړی.
دغه کنفرانس چي د ښاروالۍ په انګړ کي جوړ سوی وو لمړی د هرات ولایت تجارانو، صنعت کارانو خپلی لاسته راوړنی اوسته ستونزی د فرزنټیشن له لاری شریکی کړی اوزیاته يي کړه ترڅو دواړه ولایتونه د ښه ترا اقتصادی پرمختګ په موخه خپل تولیدات د نندارتون له لاری شریک کړی ترڅو دواړه ولایتونه خپل د ضرورت وړ توکي تبادله کړی. نعمت الله نعمت دکندهار ولایت د معادن خونی په استازیتوب دهرات ولایت سره په خپلو خبرو کي سته فرصتونه، دمځکی دقیمت پرلوړوالی او دمځکو د توزیع پر پروسه باندی خبری وکړی. اوزیاته یی کړه ترڅو د دواړو ولایتونو ترمینځ د صنعت کارانو اوتجارانو ترمینځ باید همږغی موجوده وی. یاده دی وي چي کندهار ولایت له هرات ولایت سره د ګډی همکارۍ په موخه تفاهمنامه لاسلیک کړی ده چي د نورو فرهنګی، تخنیکی، لوړوزده کړو او ګډو فعالیتونو ترڅنګ یی یوه برخه د اقتصاد اوصنعت برخه ده، همدارنګه کندهارښاروالی په پلان کی لری ترڅو په ۱۴۰۰ روان مالی کال کي له هرات ښاروالی سره په مختلفو برخو لکه فرهنګ، معارف، ښاروالی اقتصاد او صنعت په برخه کي ګډ کاروکړی.
 |
 |
