د شکایتونو څېړلو او حل کولو کمېټې نوبتي مجلس ترسره کړی.
د کندهار ښاروالۍ اړوند دښار اوسېدونکو شکایتونو ته د رسېدني او حل په موخه د شکایاتو څېړلو او حل کولوکمېټې خپل نوبتي مجلس ترسره کړی. په دې مجلس کي د ثبت سوو شکایتونو په اړه هر اړخیز بحث وسو او دحل لپاره لازم ګامونه ونیول سول.
یاده کمېټه په اوونۍ کي دوه ځله، د دوشنبې او چهارشنبې په ورځو کي خپل رسمي مجلسونه ترسره کوي. هغه شکایتونه چي ښاروالۍ ته رسيږي د کمېټې له خوا په تفصیل سره څېړل کیږي او دحل لپاره ئې اړین او غېزناک اقدامات ترسره کیږي. په همدې اوونۍ کي، د تیري دوشنبې او چهارشنبې په ورځو، یادي کمېټې د ۵ ثبت سوو بېلابیلو شکایتونو ارزونه کړې او د حل لپاره ئې اړین تدابیر نیولي دي.
دغه کمېټه د دعوت ارشاد آمریت، د داخلي تفتیش آمریت، پلان او انکشاف آمریت او د انضباط شهري مدیریت په همږغۍ سره رامنځته سوې ده.
د دې کمېټې اساسي موخه دا ده چي د خلګو ستونزي او شکایتونه په خپل وخت، د شفافیت او مسلکي ژمنتیا له مخي وڅېړل سي او د حل لپاره ئې مؤثري کړني ترسره سي، دا به د ښاروالۍ د خدماتو په اړه د خلکو باور او اطمینان لا زیات کړي او یوه هوسا فضاء به رامنځته کړي
