دکندهارښاروالي دښاري حکومتولۍ ریاست په لومړی ځل دښاروالي مامورینوته دښاروالیو قانون تشریح کړ
نن دکندهارښاروالي دښاري حکومتولۍ ریاست لخوا دښاروالي مامورینوته دښاروالیو نوی قانون تشریح سو په اړه یې په مکمل ډول معلومات ورکول سول
په همدې موخه نن دکندهارښاروالي دغونډو په تالارکي دښاري حکومتولۍ دریاست لخوا په دې اړه یو ورځنی سمینار جوړ سوی وو چي دښاري حکومتولۍ دامر اجمل صمیم ترڅنګ دبشري منابعو دارتقاع ظرفیت مدیر او دښاروالي کاري پرسونل ګډون کړی وو په نن مجلس کي لومړی دښاري حکومتولۍ امر اجمل صمیم خبري وکړې هغه دښاروالي دنوي قانون پر ارزښت او اهمیت خبري وکړې اوترڅنګ یې له مامورینو وغوښتل چي باید دښاروالي دنوي قانون په ټولو فصلونو او مادو ځان پوه کړي ترڅو په اینده کي په روانوچاروکي لا برلاسي ومومي وروسته دښاري حکومتولۍ ریاست د ټولنیزو او فرهنګي چارو مدیر تیمورشاه فیض پر پروجکتورباندي دښاروالي مامورینوته دښاروالي نوی قانون تشریح کړ ،دنوي قانون په اړه یي معلومات ورکړه دنوي قانون دمادو اوفصلونو دښې مطالعې لپاره یې ددوی څخه وغوښتل ترڅو هر ماموردښاروالي نوی قانون وګوري او ورڅخه استفاده وکړي داځکه دښاغلي فیض په خبره دښاروالي نوی قانون په لومړی ځل دښاري حکومتولۍ ریاست لخوا درته تشریح کیږي که کوم څوک یې په هره برخه کي په اړه معلومات غواړي موږ حاضریو چي وضاحت ورکړو دښاغلي فیض په خبره داقانون نوی جوړسوی دی ترډیره هغه ستونزي او مشکلات پکښي حل اوفصل سوي کوم چي په ورځني توګه ورسره مخامخ کیږي وروسته دمامورینو پوښتونو ته هم په وار سره دټولنیزو او فرهنګي چارو مدیر جواب ووایه کوم چي دښاروالي دنوي قانون په اړه یې درلودلې .
