دکندهار ښار په ۱۲ ناحیه، ۷ ګذر کي د ۳ کوڅو د رغوني چاري ۹۵ سلنه بشپړي سوي دي!
کندهار ښاروالۍ دخپلو انکشافي فعالیتونو په لړ کي د ښار د ۱۲ ناحیې اړوند په ۷ ګذر کي د ۳ کوڅو د اساسي رغوني چاري پیل کړي، چي تر دې دمه ئې ۹۵ سلنه پرمختیايي کارونه بشپړ سوي او ډېر ژر به یادي کوڅې دګټي اخیستني لپاره وسپارل سي.
دا کوڅې نږدې ۴۲۰ متره اوږدوالی او ساحو ته په کتو سره مختلف عرضونه لري. ددغي پروژې رغنیزي چاري شاوخوا درې مياشتي مخکي پيل سوي دي او تمه ده چي پاته کارونه به ئې د ۱۰ ورځو په موده کي په اساسي ډول بشپړ سي.
د دې پروژې له لاري دا مهال ۴۳ کسانو ته په فني او غیري فني ډول د کار کولو زمینه برابره سوې ده.
همدارنګه ددې کوڅو په رغولو سره د سيمي خلګو زياته خوښي وښودل او دکندهار ښاروالۍ څخه ئې ځانګړې مننه وکړل.
