د اولي او دریمي ناحیې په بېلابېلو برخو کي د عامه لارو د خلاصون په موخه کنټرول ترسره سو!

د بشپړ ښاري نظم رامنځته کېدو په موخه، دکندهار ښاروالي د مارکېټونو تنظیم آمریت د ترافیکو مدیریت او د اولي ناحیې د مسؤلینو په همکاري په یاده ناحیه کي له ښاري نظم څخه نظارت ترسره کړ.

ددغه نظارت په ترڅ کي مسؤلینو دولایت مخ ته د عریضه لیکونکو له خوا هغه خودسره غیري اصولي جګۍ او مېزونه لیري کړل، کوم چي د ښاریانو په تګ او راتګ کي زیاتي ستونزي رامنځ ته کړي وې او د احمد شاهي جادې سرسبزۍ ته ئې زیان هم اړولی وو.

په ورته مهال کي دمسؤلینو له لوري د احمد شاهي جادې پر مسیر موانع ایښوونکو ته سپارښتني هم وسوې، چي د عامه لارو له بندولو څخه ډډه وکړئ، ځکه سړکونه او پلي لاري عامه ملکېتونه دي.

ددې ترڅنګ د ښاري نظم په موخه د دریمي ناحیې اړوند په کابل بازار کي د زرګرانو مخته ایښودل سوي غیري اصولي مېزونه هم منظم سول.