د اولي ناحیې په بېلابېلو برخو کي د ښاري نظم د ټیګښت په موخه نظارت ترسره سو!
د کندهار ښاروالي اړوند د مارکېټونو تنظيم آمريت د اولي ناحيې آمريت، د ترافیکو مدیریت او د امنيه قومنداني په ګډه همکاري داځل په اوله ناحیه کي د ارګ بازار پر کتاب خرڅوونکو او همدارنګه د لنډي بازار او نوي سړک په بیلابیلو ساحو کي د بشپړ ښاري نظم په موخه په عملي توګه د څارني او نظارت چاري ترسره سوې.
ددغه نظارت پر مهال مسؤلینو له خوا هغه موانع او خنډونه لیري او ضبط سول،کوم چي د عامه پیاده روونو د بندېدو سبب ګرځېدلي وه او د ښاریانو په تګ او راتګ کي ئې ستونزي ایجاد کړي وې.
دکندهار ښاروالۍ له لوري د ښار په بېلابېلو سیموکي د ښاري نظم رامنځته کولو په موخه خپل نظارتي چاري په دوامداره توګه ترسره کوي تر څو زموږ او ستاسي ښار له پوره نظم څخه برخمن سي.
