د زرغون چاپيريال د رامنځته کولو او پالني په موخه دکندهار ښاروالي هڅي جریان لري!
په کندهار ښار کي د ښکلا او زرغونو ساحو د پراخولو په موخه، داځل د کندهارښاروالۍ اړوند د سرسبزي آمریت له لوري په دریمه، اوومه او څوارلسمه ناحیه کي د مختلفو زینتي ګلانو او نهالانو د کرلو، اوبولو او روزلو لپاره د غوچه کارۍ ترڅنګ دګلدانونو پاکارۍ چاري په منظمه توګه رواني دي او ډېر ژر به د ښار د ښکلا او سمسورتیا په موخه پر یادو ګلدانونو باندي د مختلفو زینتي ګلانو او نهالانو د ایښودولو کارونه په معیاري توګه ترسره سي.
ددې ترڅنګ هغه ساحې چي ښکلا او سمسورتیا ته اړتیا لري؛ د ښاریانو په مرسته به یو په بل پسي په معیاري او اساسي توګه ښکلي او زرغونې سي.
هیله ده چي ښاریان د دغو ګلانو، نهالانو او نورو زرغونو سیمو په ساتنه او پالنه کي له کندهار ښاروالۍ سره پوره همکاري وکړي.
یادونه: د سرسبزۍ آمریت کاري پرسونل تل هڅه کوي، چي په ښار کي له پارکونو، ګلدانونو او د ښار له شنو ساحو څخه لیدنه وکړي؛ ترڅو ایښودل سوي نهالان او ګلان د اوبو له کمښت سره مخ او وچ نسي.
