د شکایتونو دڅېړلو او حل کولو کمېټې مجلس ترسره کړی
دښار اوسېدونکو شکایتونو ته د رسېدني او حل په موخه، د شکایاتو دڅېړولو او حل کولوکمېټې پرون دوشنبه خپل نوبتي مجلس ترسره کړی. ددې مجلس په ترڅ کي د ثبت سوو شکایتونو په اړه هر اړخیز بحث وسو او دحل لپاره لازم ګامونه پورته سول.
یاده کمېټه په اوونۍ کي دوه ځله، د دوشنبې او چهارشنبې په ورځو کي په رسمي ډول خپل مجلسونه ترسره کوي په دې مجلسونو کي دمعلوماتي سنټر له لاري ثبت سوي شکایتونه په تفصیل سره څېړل کیږي او دحل لپاره ئې اړین او غېزناک اقدامات ترسره کیږي.
دغه کمېټه د دعوت ارشاد آمریت، د داخلي تفتیش آمریت، د پلان او انکشاف آمریت، د انضباط شهري مديريت په همږغۍ سره رامنځته سوې ده.
د دې کمېټې اساسي موخه دا ده چي د خلګو ستونزي او شکایتونه په خپل وخت، د شفافیت او مسلکي ژمنتیا له مخي وڅېړل سي او د حل لپاره ئې مؤثري کړني ترسره سي، ترڅو د ښاروالۍ د خدماتو په اړه د خلکو باور او اطمینان لا زیات سي.
