د چاپېریال ساتني ملي ادارې پلاوو د ۱۵ ناحیو د ګذر له وکیلانو اوصنفي اتحادیې له استازو سره وکتل

km_admin
دوشنبه ۱۳۹۹/۶/۲۴ - ۸:۲۹
Kandahar Municipality

نن دکندهار ښاروالي د شهید حمیدي صاحب د غونډو په تالار کي د چاپېریال ساتني د عمومي ادارې څخه د چاپیریال ساتني د ارزولو په موخه راغلي پلاوو د ولایت مقام مرستیال ښاغلي فیصل شېرزی، کندهار ښاروال انجنیر محمد رفېع حیات په ګډون ګڼ شمېر د ناحیو د ګذرونو وکیلانو، د کسبه کارانو استازو او مخورو سپین ږیرو ګډون کړی وو.

د غونډي لومړی ویناوال کندهار ښاروال انجنیر محمد رفېع حیات و چي د کابل څخه راغلي مېلمنو او ګډون والو ته یې ښه راغلاست ووایه او د دوئ څخه یې مننه وکړل چي کندهار ته یې خاصه پاملرنه کړې ده.

کندهار ښاروال د ناحیو د ګذر وکیلانو څخه غوښتنه وکړه چي دهوا، اوبو، او خاوري د ککړتیا په برخه کښي چي کومي عمده او اساسي پوښتني لرئ کولای سئ د اړوند مسؤلینو سره یې مطرح کړئ.

وروسته د ولایت مقام مرستیال فیصل شېرزي خبري وکړې او پر مهال یې د غونډي ګډون والو ته وویل چي ښاریان دي د ښاروالي سره همکار پاته سي او خپل د ښار په جوړولو او پاک ساتلو کي دي مرسته وکړي.

د ښاغلي شېرزي په خبره کندهار ولایت مقام ژمن دی چي د سکټوري ریاستونو تر منځ کلکه همږغي رامنځته کړي تر څو په ښار کښي بنسټيزي حیاتي او پرمختیایي پروژې په ښه توګه سره عملي سوي وي، د ښاغلي شېرزي په خبره د کندهار ښاروالي وروستي پرمختګونه او رواني رغنیزي چاري ښه ارزوي او د چارو د ښه پر مخ وړلو په عرصه کښي ورسره پوره همکاري کوي.

د کابل څخه راغلي پلاوو ډیپلوم انجنیر نیک محمد د خبرو په جریان کي وویل چي په ښار کي باید د هغو فعالیتونو مخه ونیول سي چي د چاپیریال د ککړتیا سبب کېږي، باید د هوا او اوبو د ککړتیا د مخنیوي په موخه پوره کار وسي، او په دې برخه کي دولت او ملت دواړه باید په ګډه مبارزه وکړي.

نوموړي زیاته کړل چي د هوا د ککړتیا حد اکثر کچه ۱۵۰ درجې ده خو په کابل، کندهار، هرات، کندز، مزار شریف او نورو سرد سېر او ګرم سېر ولایتونو کي په ژمي کي حتی ۴۵۰ درجو ته د هوا د ککړتیا کچه لوړېږي.

انجنیر نیک محمد داسي وویل "موږ د هوا او اوبو د ککړتیا د کچي معلوملو دوه عدده ماشینونه د ځان سره راوړی دي چي ډېر ژر به د چاپیریال ساتني او اوبو رسولو ریاست ته وسپارل سي".

د غوڼدي په پای کي د غونډي ګډونوالو خپلي اساسی ستونزي د کابل څخه د راغلو مېلمنو سره شریکي کړې. او هغو د ټولو ستونزو تر اورېدلو وروسته وویل د نننۍ غونډي ټول یاداښتونه به له اړوندو چارواکو سره شریکوي.

تازه خبرونه

شنبه ۱۳۹۹/۶/۲۹ - ۹:۵۵
Background image

د ښاري نظم او پراختیا کمېسیون غونډه ترسره سوه

د ولایت مقام مرستیال فیصل شېرزي په مشري د پنجشنبې په ورځ د ښاري نظم او پراختیا کمېسیون غونډه ترسره سوه، چي د کندهار ښاروال انجینر رفیع حیات تر څنګ د یاد کمېسیون ټولو غړو او د ولایتي. . .

شنبه ۱۳۹۹/۶/۲۹ - ۹:۵۳
Background image

د مشورتي بورډ نوبتي غونډه وسوه.

د کندهار ښاروالي د مشورتي بورډ نوبتي غونډه د کندهار ښاروال او د مشورتي بورډ رئیس انجنیر محمد رفیع حیات تر مشرۍ لاندي جوړه سوه، چي پکښي د مشورتي بورډ مرستیال، د ښاري حکومتولۍ رئیس تر څنګ. . .

شنبه ۱۳۹۹/۶/۲۹ - ۹:۵۰
Background image

کندهار ښاروالي لوبډلي په قوریشي شل اوریزه سیالیو کي خپله لومړۍ لوبه د مسلم افغان لوبډلي څه په ( ۷۵ ) منډو وګټل ..

قوریشي شل اوریزه سیالې چي تیره جمعه د ( ۳۲ ) لوبډلو تر منځ راپیل سوي

نن په یادو سیالیو کي د ښاروالي او مسلم افغان لوبډلو تر منځ لوبه وسوه

ټاس ښاروالي لوبډلي وګټي لومړی یې خپله توپ. . .

BACK TO NEWS