د کندهار په څلورمه او لومړۍ ناحیه (ارګ) کي د روښان مارکیټ او منیر مارکیټ اساسي ترمیم ترسره کیږي.
د سیمه ایزو ارګانونو د خپلواکي ادارې په نوښت او د کندهار ښاروال په هلو ځلو د کندهار ښار په ارګ سیمه کښي د دو مارکیټونو اساسي جوړونه کیږي .
په همدې موخه نن د یادو مارکیټونو له د کاندارانو سره په کندهار ښاروالۍ کښي د عامه پوهاوي په موخه غونډه دایره سوې وه ترڅو د یادو مارکیټونو دکاندارانو ته په دې اړه وضاحت ورکول سي چي کندهار ښاروالۍ د سیمه ایزوارګانونو د خپلواکي ادارې دهمکارۍ په اساس غواړي دا دوه مارکیټونه اساسي ورغوي،په ارګ سیمه کي دوه پخواني مارکیټونه چي (روښان مارکېټ او منیر مارکېټ دی)د لومړي او څلورمي ناحیې اړوند دي، د یادو مارکیټونو د دکاندارانو ترمنځ دوې شوراګاني د مارکېټ د دوکاندارانولخوا جوړیږي چي هري شورا ته دوه لکه ډالره ورکول کیږي او پرمحال به یې یاد مارکېټونه د شورا ګانو لخوا د شته ضرورتونو په اساس اساسي ورغیږي .
لومړی به د مارکیټونو د دکانونو ثبت کیږي ،وروسته به د شوراګانو لپاره انتخابات کیږي او بیا به په اساسي توګه سره د یادو مارکیټونو لپاره د ضرورتونو په نظرکي نیولو سر ه سم چاري مخته ځي د یادو مارکیټونو د اساسي ترمیم کارۍ لپاره کندهار ښاروال انجنیر محمد رفیع حیات له مرکزي ادارې سره یاده موضوع له وخته وخته تعقیب کړې وه او له ښه مرغه جهاني بانګ دې ته زړه ښه کړ چي وکولای سي د یادو مارکیټونو لپاره بودجه منظور کړي.
 |
 |
