د کندهار ښاروالي لخوا د متوازني پراختیا له مخي په ښار کي بنسټيزي پروژې رواني دي .
د کندهار ښاروالي په پرمختیایي بودجه مبلغ/ ۹۵۱۱۵۵۰ افغانۍ باندي د متوازني پراختیا له مخي د ښار په دوهمه ناحیه، څلورمه ناحیه، دیارلسمه ناحیه، نهمه ناحیه، او پنځلسمه ناحیه کښي د چریود اساسي جوړوني ترڅنګ پر چریو باندي د سلبونوجوړولو،سنګ کاري دېوال جوړوني او همدارنګه د کوڅو د کانګریټ جوړوني چاري په اساسي او معیاري توګه سره رواني دي .
د دې ترڅنګ کندهار ښاروالي د ښار په ټولو ناحیو کښي متوازنه پراختیا رامنځته کوي او دښاریانو دسهولت او ددوی ورځني ژوند ته د لا اسانتیاو په منظور پرمختیایي چاري تر سره کوي ترڅو دښار په بنسټیزه برخه کي مثبت تغیر راغلی وي .
کندهار ښاروالي له خپلو معززه ښاریانو څخه هیله لري، د خپلو صفایي ټکسونو اومحصولاتو په تحویل سره دي د ښاروالي په روانو رغنیزو چارو کښي لا چټکتیا راولي .
