د کندهار ښاروالۍ اداري غونډه جوړه سوه.
د کندهار ښاروالۍ اداري غونډه چي د کندهار ښاروال انجنیر محمد رفیع حیات تر مشرۍ لاندي جوړه سوه د ښاروالۍ د ټولو ریاستونو،امریتونو او مدیریتونو مسؤلینواو استازو پکښي برخه لرل.
اداري مجلس پر لاندي موضوعاتو مفصلي خبري او فیصلې وکړې.
کندهار ښاروال د ښاروالۍ د عمومي فعالیتونو،روانو چارو او راتلونکو پروګرامونو په اړه اداري مجلس ته معلومات وړاندي کړه.
اداري مجلس کښي د کارموندني /EZ-KAR برنامې لپاره په ناحیو کښي دشوراګانو او ګذرونو انتخاب باندي خبري وسوې.
د ۱۴۰۰مالي کال لپاره دنیالګیو د تر لاسه کولو او کښېنولو په برخه کښي مجلس کي بحث وسو او دنیالګیو کښېنولو په مورد لازمي پریکړي وسوې.
اداري مجلس د کندهار ښاروالۍ د ۱۴۰۰مالي کال بودجه تصویب کړه.
په ناحیو کښي د تنظیف د مدیریت د کارمندانو د کار او مسؤلیت په اړه بحث وسو.
د نهمي ناحیې اړوند د کوتل مرچې په ساحه کښي د کندهار شمالي ولسوالیو او اروزګان ولایت د اډې د د کاندارانو د کرائې د تخفیف په اړه بحث وسو او د املاکو مدیریت ته دنده وسپارل سول چي په مفصل ډول یې په اړه معلوماتونه راټول کړي او ولایت مقام ته یې واستوي.
په کندهار ښار کښي د روانو رغیزو پروژو حالت ساختماني مدیریت تشریح کړ.
وروسته کندهار ښاروال انجنیر محمد رفیع حیات د خپلو خبرو پر مهال وویل د ښار د پرمختګ او ترقۍ لپاره باید د یوه ګډ ټېم او قوي ادارې په شکل کار وکړو تر څو کندهار ښاریانو ته ښاري سهولتونه برابرکړو، ددې ترڅنګ کندهار ښاروال د روانو چارو او راتلونکو پلانونو داماده ګۍ لپاره اړوندو مسؤلینوته لازمي سپارښتني هم وکړې .
