د کندهار ښاروالۍ د اشتهاري لوحو مدیریت له خوا د غیري قانوني اعلاناتو د پاکولو لړۍ جريان لري!
کندهار ښاروالۍ د اشتهاري لوحو مدیریت له خوا یو ځل بیا د ښار په بېلا بیلو ساحو کښي؛ لکه: اول او دوهم دوراهي، کابل اډه او د عېنومېني د ننه او د باندي ساحو کښي د هغو اعلاناتو د پاکولو لړۍ جريان لري، کوم چي د ښاروالۍ د تثبیت سوو ځایونو پرته د ښار پر دیوالونو، پایو، ډبرو او د برق پر خادو باندي ځړول سوي او لیکل سوي وې.
د اشتهاري لوحو مدیریت له خوا ټولو درنو ښاریانو ته خبر ورکول کیږي، چي ددې کمپاین څخه وروسته که چیري د دوهم ځل لپاره داسي اعلانونه ولیدل سي، مسؤلین به يې قضايي او امنیتي ارګانونو ته معرفي کیږي، بیا څوک حق د شکایت نه لري.
د یادوني وړه ده ، چي د کندهار ښاروالۍ د اشتهاري لوحو مدیریت کاري پرسونل له خوا به نور هم د هغو اعلاناتو د پاکولو هڅي جریان ولري، کوم چي د مشخصو ځایونو پرته لیکل سوي او ځړول سوي وي.
