د کندهار ښاروالۍ د سرسبزۍ عمومي مدیریت د خپلو نوښتونو په دوام د ښار لپاره دخپلو نیالګیو څخه د زرغونتیا او خود کفایي په پار دزیتني بوټو او نیالګیو دکرلو لړۍ پېل کړه!
د کندهار ښاروالۍ د سرسبزۍ عمومي مدیریت د مسلکي مدیر (انجنیر نجیب الله نوري) او مسلکي کارکوونکو له خوا د سرسبزۍ دګرین هوسونو اړوند په قوریه کي زرګونه زینتي بوټي او نیالګیو د قلمو د کرلو لړښ پیل کړېده.
دغه زینتي بوټي، چي شمیر یې لس زره (۱۰۰۰۰) ته رسیږي. د کندهار ښار د ښکلا او زرغونتیا په پار کرل کیږي، چي په کښي ګل ګلاب، خرما، وال پام، بربینه، مرسل، چمبېلی، نارنج، کاغذي ګل، کډګلئ، ګنډیري، ګل ختمي،ګل فرش څو نوعي، همیشه بهار، جریبند، شبوئ، ادم چهره، انترئ او د زقم کورنۍ مختلفي نوعي شامل دي.
دغه بوټي، وني او موسمي ګلان کندهار ښار د ښکلا او سمسورتیا لپاره روزل کیږي.
چي وروسته به بیا د یوې ځانکړي کړنلاري ، ترتیب او منظور سوي پلان له مخي به د ښار په عام المنفعه او مشخص او ځانکړي سوي سیمو کښي کښینول سي.
د یادوني وړ ده چي د سرسبزۍ عمومي مدیریت قوریې کښي سږ کال بېلا بېل نیالګیو د تخمونو ترڅنګ تر (۱۰۰۰۰) لس زره مختلیف النوعه ګلان، بوټي او نیالګي نور هم و روزل سي.
