د کندهار ښاروالۍ د مشورتي بورډ غونډه د مشورتي بورډ د رئیس او کندهار ښاروال تر مشرۍ لاندي جوړه سوه.
کندهار ښاروال انجنیر محمد رفیع حیات پر داسي مهال د ښاري حکومتولۍ رئيس هم حاضر و د مشورتي بورډ له غړو سره وکتل او پرمهال یې د کندهار ښاروالۍ د عمومي وضعیت، ترسره کړو فعالیتونو او راتلونکو پلانونو په اړه مکمل ډول سره د بورډ غړو ته معلومات وکړه،د دې ترڅنګ کندهار ښاروال د کندهار ښاروالۍ د ۱۳۹۹مالي کال د کړنو په اړه هم په مکمل ډول د مشورتي بورډ غړو ته معلومات وړاندي کړه چي پکښي انکشافي پلانونو،روانو پروژو، د جهاني بانګ پروژو، دولسي تړون او کارموندني پروګرامونوته پکښي په مکمل ډول ځای ورکړل سوی وو.
وروسته په مجلس کښي د ۱۴۰۰مالي کال د انکشافي او پرمختیایي بودجې په اړه خبري و سوې چي د پلانګزارۍ امریت لخوا د ۱۴۰۰مالي کال بودجه ارایه سوه او د مشورتي بورډ غړو تصویب کړه.
د مشورتي بورډ غړو دازاد بحث دلاري پر بیلابیلو موضوعاتو خبري وکړې، د خپلو اړوندو ناحیو د اوسېدونکو پر ستونزو ، مشکلاتو او وړاندیزونو باندي لازم تصامیم ونیول سول.
