د کندهار ښاروالۍ له لوري د نهال شانۍ پسرلنۍ غونډه ترسره سوه!
کندهار ښاروالۍ د ښار سمسورولو په موخه د نهالانو د ايښودلو غونډه ترسره کړه، چي په کښي د مرستیال ښاروال مفتي قدرت الله الوصال په ګډون، د کندهار ښاروالۍ تخینکي او سکټوري رئیس مولوي نورالباقي خادم، د عامې روغتیا ریاست مرستیال ډاکټر نجیب الله داوري، د زراعت پوهنتون رئیس مولوی محمد داود آغا صاحب او نورو مسؤلینو ګډون کړئ وو.
د نهال شانۍ په یاده غونډه کي د راغلو مسؤلینو له لوري له ټولو عامو ښاریانو څخه غوښتنه وسوه، چي تاسو هم خپله د ښار په ښکلا او سمسورتیا کي پراخه برخه واخلئ او ددغو نهالانو په ساتنه او پالنه کي د کندهار ښاروالۍ سره پوره همکاري وکړئ.
د یادولو وړ ده، چي کندهار ښاروالي سږ کال د ښار په مختلفو سيمو کي ۲۰۰۰۰ نهالان کښېنوي، چي دا لړۍ به د ښار ټولو برخو ته غوځول کيږي.
درنو هيواد والو!
راځئ د خپل ښار په ښکلا او سمسورتيا کي د کندهار ښاروالۍ سره برخه واخلئ.
په درنښت
د کندهار ښاروالۍ د ويب سايټ مديريت
