د کندهار ښاروالۍ له لوري د کندهار ښار په ټولو ناحیو کښي پراخو رغنیزو چارو او پرمختیایي پروګرامونو د ښاریانو هیلي ژوندۍ کړي دي!
د متوازني پراختیا په اساس د کندهار ښار په ټولو ناحیو کښي د ګرانو ښاریانو د سهولت په منظور په مسلکي او اساسي توګه سره ښاري خدمات سرته رسول،د ښار او ښاریانو اساسي ضرورتونو ته رسیده ګي او د ښاروالۍ په ټولو پروژو کښي په زیات شمیر خلګو ته کاري فرصتونه برابرول هغه څه دي چي د ښاریانو هیلي یې ژوندۍ کړي دي.
کندهار ښاروال حسن حاجي صاحب وایي: که د ګرانو ښاریانو دوامداره همکاري او د ښاروالۍ د پلانونو په تطبق کښي د دوی پراخ ګډون راسره ملګري وي نو کندهار ښاروالۍ به په هره برخه کښي دې تاریخي ښار ته په چټکتیا سره ښاري خدمات عرضه کړي او خلګو ته به ښاري سهولتونه برابر کړي
هغه وویل: ګران ښاریان کولائ سي خپل د صفایي په ټکسونو او تحویلۍ سره د ښاروالۍ په پرمختیایي څرخ کښي نور هم بهتره ښاري انکشاف راولي
