د کندهار ښاروالۍ مرستیال مفتي قدرت الله الوصال: په قانوني توګه سره هر چاته د اصولو په چوکاټ کښي د اعمار اجازه ورکوو!
د کندهار ښاروالۍ د مرستیال مفتي قدرت الوصال تر مشرۍ لاندي د ملکیتونو لپاره د اعمار د کميټې غړو ناسته وکړه او د ګرانو ښاریانو هغه عرایض یي برسي کړه کوم چي د قانوني او اصولي طریقه کندهار ښاروالۍ ته راغلي وه او داعمار کمیټې ته راجع سوي وه.
د کندهار ښاروالۍ مرستیال: کندهار ښاروالۍ د ښاریانو دوهم کور دئ ددوی ستونزو، وړاندیزونو او پیشنهاداتو ته هر وخت رسېدګي کوي چي په همدې اساس یي نن داعمار په کميټه کښي پر هغه عرایضو مفصل بحث وکړ او په ښه توګه سره یې برسي کړه او اړوندو مسؤلینو ته یې عرایض راجع کړه تر څو د ښار په بیلابیلو برخو کښي په اصولي او قانوني توګه سره د ښاروالۍ د اومراتو سره سم د اعمار اجازه ورکول سوې وي.
یاده دي وي چي د کندهار ښاروالۍ مقام د خپلو معززو ښاریانو سره د عرایضو، پیشنهاداتو او وړاندیزونو د اورېدولو په منظور او دښاریانو د رضایت لپاره دمخامخ لیدونو کتنو زمینه سازي په ښه توګه سره کړې ده.
