د کندهار ښار له پاره د ستراتیژیک پلان جوړولو په هدف یو ورځنی سمینار جوړ سو.
په کندهار ښار کي د ملګرو ملتونو، یو این هبیتات د مرکزي او ولایتي ادارې استازو نن د کندهار ښاروالي تخنیکي پرسونل ته د پنځه کلن ستراتیژیک عملیاتي پلان جوړوني په اړه سمینار دایر کړ.
په نني مجلس کښي چي د کندهار ښاروالي مرستیال حاجي محمد نسیم “رضایي” هم حاضر و، راغلي پلاوي ته یې د ښه راغلاست ویلو تر څنګ د کندهار ښاروالي په استازولۍ د پوره همکارۍ ډاډ ورکړ او یادونه یې وکړه چي کندهار ښاروالي به د ټولو همکاره مؤسساتو سره د ښار او ښاریانو دپاره د سهولتونو د برابرولو په منظور همکاري کوي.
وروسته د یو این هبیتات د مرکزي دفتر څخه راغلي انجنیر فواد احمد صدیقي د پرېزنټېشن د لاري ګډونوالو ته د ستراتیژیک عملیاتي پلان د جوړولو د پروسې ټریننګ ورکړی. وروسته د ټریننګ څخه د غونډي ګډونوالو د ګروپي کار او د اختتامیې د دعا په تر سره کولو سره غونډه خلاصه کړل.
