د کندهار ښار والۍ د نرخونو د کنټرول کمېټې د نانوايانو څخه د نظارت لړۍ عملاً په کندهار ښار کي جريان لري!
د کندهار ښار والۍ د نرخونو د کنټرول کمېټې د نانوايانو څخه د نظارت لړۍ عملاً په کندهار ښار کي جريان لري، ترڅو د توزيع سوي نرخ نامې مطابق د ډوډۍ وزن، قيمت او کيفيت له نږدې څخه و څاري او هغه نانوايان چي د نرخ نامې څخه سرغړونه کوي او د نظافت کولو خيال نه ساتي د هغوی نانواياني به تړل کيږي.
دا لړۍ چي د نرخ نامې د توزيع څخه وروسته شروع سوې ده همداسي جريان لري او په کندهار ښار کښي به د ټولو نانويانو څخه وخت پر وخت څارنه کوي.
کندهار ښار والۍ د نرخ نامې تر ټاکلو مخکي د نانوايانو د ټولو مصارفو په نظر کښي نيولو سره ياده نرخ نامه ترتيب کړې ده او اوس يې د عملي کولو لپاره عملاً کمپاين شروع کړی دي ترڅو ترتيب سوې نرخ نامه پر ټولو نانوايانو باندي په صحي ډول عملي کړي.
