د کندهار ښار په ټولو ناحيو کښي د تنظيف کارونه په منظم ډول جريان لري!
د کندهار ښاروالۍ اړوند د تنظیف عمومي مدیریت له لوري د دوو اونیو په جریان کي د ښار د بیلا بیلو ساحو څخه د (۱۱۰۸۸) متره مکعب کثافات راټول کړي او تر ټاکل سوي ځای پوري لېږدول سوي.
په همدې موده کي د یاد مدیریت کاري پرسونل له خوا د ښار د پاکارۍ په برخه کي د ۲۲۱ کیلو متره چرۍ، ۱۹۲ کیلومتره دسړکانو جارو کښي او ۳،۴ کیلو متره د ښار د پاتابونو د پاکولو چاري ترسره سوي دي.
او ترڅنګ يې د (KRO) مؤسيسې له خوا د ده خواجه مانده د پاکارۍ چاري هم جریان لري.
د ښار پاک ساتلو ته پاملرنه زموږ او ستاسي ګډ مسؤلیت دی؛ نو په همدې خاطر له ټولو ښاریانو څخه غوښتنه کیږي، چي د بې ځایه کثافاتو له اچولو څخه ډډه وکړي.
په درنښت
د کندهار ښاروالۍ
د ويب سايټ مديريت
