د کندهار ښار په پنځلسمه ناحيه کي د يو مهم سړک رغنيزي چاري جريان لري!
کندهار ښاروالي په پنځلسمه ناحيه، شپږم ګذر کي د صالوخان چمن اړوند د زابر غاړي سړک د اساسي رغولو چاري پيل کړي دي.
دغه سړک چي د صالوخان چمن اړوند د عمومي سړک څخه شروع بيا د قاسم پله د عمومي سړک سره وصل کيږي ۲۵۰۵ متره اوږدوالی او ۸ متره بردوالی لري.
په ياده رغنيزه پروژه کي هره ورځ ۱۴۰ کسانو ته د کار کولو زمينه برابره سوې ده چي ۹ کسان په مسلکي ډول او ۱۳۱ کسان په غيري مسلکي ډول کار کوي.
ددغه رغنيزي پروژې چاري يوه مياشت مخکي پيل سوي دي چي تر دې مهاله يې پنځوس فيصده کارونه مخته تللي دي او پاته کارونه به يې هم ډېر ژر بشپړ سي.
ددې مهم سړک په رغولو سره د همدې لاري تلوونکو کسانو او د سيمي اوسېدونکو زياته خوښي وښودل او دکندهار ښاروالۍ څخه ئې ځانګړې مننه وکړل.
