راتلوونکې دوشنبه د پولی یو واکسین کمپاین پیل کیږي ټول وکیلان باید د روغتیایي ټیمونو سره مرسته وکړي!
دغه څرګندوني د کندهار ښاروالۍ د ښاري حکومتولۍ رئیس حاجي تحویلدار صاحب د ناحیو وکیلانو او روغتیایي ټیمونو سره په یوه غونډه کښي وکړې.
غونډه چي کندهار ښاروالۍ کښي جوړه سوې وه پکښي لومړی د کندهار ښاروالۍ د ښاري حکومتولۍ رئیس حاجي تحویلدار صاحب پرانیستونکې وینا وکړه، حاجي تحویلدار صاحب وویل: د پولیو د کمپاین په هره دوره د ناحیو وکیلانو دوامداره همکاري کړې ده چي باید ورڅخه ډیره مننه وسي هغه وویل کندهار ښاروالۍ د اصولو په چوکاټ کښي د ټولو همکاره مؤسساتو سره خصوصاً د روغتیایي ټیمونو سره مرسته کوي ترڅو په هره برخه کښي زموږ خلګ راحته سوي وي، وروسته د پولیو واکسین په اړه محترم ډاګټر امین صاحب د پولیو پر راتلوونکي کمپاین او اهمیت باندي خبري وکړې د پولیو ټول اړخونه یې تشریح کړه همدا ډول د روغتیا نړیوال اسلامي سازمان په استازیتوب یو تن دیني عالم د اسلام له نظره د بشر د صحت ساتني او پولیو کمپاین په اړه ارزښناکه خبري وکړې وروسته د کندهار ښار د ناحیو ټولو وکیلانو په ترتیب سره خبري وکړې او په اړه برخه کښي موجوده سوالونو ته قناعت کوونکي جوابونه د اړوندو مسؤلینو لخوا وویل سول.
