شفافیت په خلګو کښي د حق غوښتلو فرهنګ پیاوړی کوي.
د غه څرګندوني د کندهار ښاروالۍ دښآري حکومتولۍ رئیس عبدالواحد شاه هاشمي په هغه غونډه کښي وکړې کوم چي د لومړۍ ناحیې، دوهمي ناحیې او دریمي ناحیې اوسېدونکو ته د شفافیت او حساب ورکوني په مورد کندهار ښآروالۍ کښي جوړه سوې وه.
په یاده غونډه کښي لومړی د کندهار ښاروالۍ د ښاري حکومتولۍ رئیس پرانیستونکې وینا وکړه،هغه دخپلو خبرو پر مهال دشفافیت پر ارزښت، دحساب ورکوني فرهنګ پر ژوندي ساتلو،دخلګو او ښاروالۍ ترمنځ د واټن کمولو او نورو برخوکښي مهم معلومات شریک کړه د ښاغلي هاشمي په خبره شفافیت اوحساب ورکونه حق غوښتلو ته لاره پرانیزي،ښه حکومتولۍ په وجود راوړي،د دولت په تصامیمو کښي خلګوته دګډون زمینه برابروي،او خلګ او دولت ګډ کارکولوته هڅوي وروسته دکندهار ښاروالۍ د شفافیت او حساب ورکوني مدیر فریداحمد صدیقي د لومړۍ،دوهمي او دریمي ناحیو څخه د دلوي د میاشتي د راټول سوو عوایدو،مصارفو، او په یادو ناحیو کښي دترسره کړو فعالیتونوپه اړه دمجلس ګډونوالو ته معلومات ورکړه.
وروسته د ازاد بحث دلاري دمجلس ګډونوالوته هم د کندهار ښاروالۍ دښاري حکومتولۍ درئیس او نورو مسؤلینو لخوا ددوی سوالونوته جوابونه وویل سول.