هره رغنیزه پروژه د ښار په جوړوالي او ښایسته ګي کي حیاتي رول لري
د کندهار ښاروالي لخوا د رغنیزو پروژو په دوام د ښار د دیارلسمي ناحیې اړوند په دریم ګذر(بڼ) کي د ۴۰۰ متره اسفالټ سړک چي ۸ متره یې عرض دی او ۴۰۰ متره چرۍ ده او د همدې ګذر په ساحه کي د یوه بل سړک چي ۴۹۷متره اسفالټ دی او ۷ متره یې عر ض دی او تر څنګ یې د ۴۰۰ متره استېنادي ديوال چي ۳.۲۰متره جګوالي لري پر کانال باندي جوړیږي ساختماني چاري یې په معیاري توګه سره راپیل سوي دي.
په دې پروژه کي ښاریانو ته د کار کولو زمینه برابره سوې د يادي ناحیې د اوسېدونکو تر څنګ عامو ښاریانو ته به د دې پروژې په تکمیل سره بهترین سهولت اجاد سي، دهمدې پروژې په دوام چي کوم استېنادي ديوال پر کانال باندي جوړیږي د باراني او سيلابي اوبو په کنتړول کي مهم رول لري دا ځکه مخکي به د سيلابي اوبو حجم زیات وو ډېري ستونزي به یې ښاریانو ته جوړولې ولي ددې استېنادي ديوال په جوړېدو سره به خلګو ته د نورو اسانتیاو تر څنګ د سيلابي اوبو څخه هم خوندیتوب راغلي وي.
