په څوارلسمه ناحيه کښي د کوڅې د کانګريټ کولو او چرۍ جوړولو کار جريان لري!
چهارشنبه ۲۴ / ۳ / ۱۴۰۲ ه ش کال.
کندهار ښاروالۍ دخپلو روانو او پراخو انکشافي فعالیتونو په لړ کښي داځل په څوارلسمه (۱۴) ناحیه کښي د محمود طرزي لیسې شمال طرفته د (۲۸۵)متره په اوږدوالي د دوو چریو او یوې کوڅې د کانګریټ کولو چاري راپیل کړي دي .
د يادوني وړده چي د دې پروژې ټول لګښت د کندهار ښاروالۍ د مالي بودجې څخه ورکول کيږي.
په دې بنسټیزه پروژه کښي په مسلکي توګه (۳) نفره او غیر مسلکي توګه (۱۰) نفرو ته د کار زمینه برابره سوې ده.
د همدې سیمي اوسېدونکو د کندهار ښاروالۍڅخه مننه وکړل چي زموږ مشکلاتو ته په کتلو او د ښاریانو د سهولت په موخه د همداسي پرمختیايي پروژو د تطبیق چاري راشروع کړي دي.
