په کندهار ښار کي د ښار پاکولو په موخه تنظیفاتي اشر په منظم ډول جریان لري
کندهار ښاروالي د ښار پاکولو په موخه د عمومي اشر په دوام، دتیري چهارشنبې په ورځ د تنظیف کارکوونکو له خوا په دوهمه ناحیه کي له احمدشاهي خندق څخه ۳۹ موټره کثافات او په څوارلسمه ناحیه کي له بېلابیلو ساحو څخه ۱۲ موټره کثافات راټول او ټاکل سوي ځای ته ولېږدول سول.
همدارنګه، په پنځلسمه ناحیه کي د اضافه اوبو د ایستلو په موخه د حاجي ناني د کارتې مخته پلچک جوړ سو، د حوزې مخته پاتاب د عمومي زابر سره وصل کړل سو،ترڅو اضافه اوبه په منظمه توګه عمومي زابر ته ولاړي سي او په راتلونکي کي د اوبو جمع کېدل ستونزي رامنځته نه کړي.
د چهارشنبې په ورځ دتنظیف کارکوونکو له لوري په ټولیز ډول ۵۱ موټره کثافات راټول او ټاکل سوو ځایونو انتقال سول.
درنو ښاریانو!
د کندهار ښاروالۍ زحمت کښه تنظیفي کارکوونکي تل هڅه کوي، چي شپه او ورځ د ښار د پاکوالي په موخه خپل تنظیفاتي چاري جاري وساتي، نو له همدې امله له درنو ښاریانو هیله کوو، چي د ښاروالۍ سره په دې برخه کي پوره همکاري وکړي او خپل شاوخوا کثافات په ټاکل سوو ځایونو کي واچوئ؛ ترڅو زموږ د تنظیف پرسونل پر وخت سره د هغوی د انتقال چاري ترسره کړي
