کندهار والي او کندهار ښاروال نيالګي کښېنول

km_admin
دوشنبه ۱۳۹۹/۱۲/۲۶ - ۱۰:۳۲
سرسبزي کمپاین

سه شنبه/۲۰- کب- ۹۸


د ولسمشر محمداشرف غني له حکم سره سم په کندهار کي د کب پر شلمه د نيالګيو کښېنولو د ملي حشر د ورځي په مناسبت نيالګي کښېنول سول.

د نيالګيو ايښودلو په دغو مراسمو کي چي نن د کندهار ښار د څلورمي ناحيې په تېمورشاهي پارک کي تر سره سول، کندهار والي حيات الله حيات، کندهار ښاروال انجنير محمد رفيع حيات، د کندهار د کرهڼي، چاپېريال ساتني، ښاري حکومتولۍ او نورو رئيسانو او مسؤلينو ګډون کړی و.

کندهار ښاروال انجنير محمد رفيع حيات د نيالګيو ايښودلو پر مهال وويل چي کندهار ښاروالي له تېرو شاوخوا شلو ورځو راهيسي په کندهار ښار کي د نيالګيو ايښودلو عمومي حشرونه پيل کړي او په زرګونو نيالګي يې ايښي دي. ښاروال وويل، سږ کال يې د ښاريانو په مرسته شاوخوا شل زره نيالګي راټول کړي او د ښار په مختلفو سيمو کي يې ايښي دي، دغه راز د ښاريانو له خوا هم ګڼ شمېر نيالګي کښېنول سوي دي. ښاروال پر ښاريانو ږغ وکړ چي يو نيالګی د افغانستان او يو د افغانستان له پاره کښېږدي.

ښاروال يو وار بيا وويل چي سږ کال غواړي د کندهار ښار د ښاري سرسبزي د آبيارۍ سيسټم معياري او قطره يي کړي، دا چاره به د شهيد جنرال عبدالرازق اڅکزي له واټه پیل سي او په پايله کي به يې د کندهار ښار سرسبزي پايداره سي.

 

 

تازه خبرونه

دوشنبه ۱۳۹۹/۱۲/۲۶ - ۱۰:۳۹
Background image

د ښاري خبري اتري/ ګفتمان شهری لويه غونډه جوړه سوه

يکشنبه/۱۸- کب - ۱۳۹۸

په کندهار کي د سيمه ييزو ارګانونو ادارې د ښارواليو معينیت د ښاري حکومتولۍ عمومي رياست له هدايت او اجنډا سره سم د ښاري خبرو اترو پروګرام د کندهار ښاروالي په کوربتوب. . .

دوشنبه ۱۳۹۹/۱۲/۲۶ - ۱۰:۳۷
Background image

د کندهار د ځوانانو مدني بنسټ سبا د نيالګيو کښېنول پيلوي

شنبه/۲۴ – کب – ۹۸
د کندهار د ځوانانو مدني بنسټ/ بنياد مدنی جوانان کندهار غواړي له کندهار ښاروالي سره د نيالګيو کښېنولو سږني کمپاين کي مرسته وکړي او د کندهار ښار په بېلابېلو سيمو کي. . .

دوشنبه ۱۳۹۹/۱۲/۲۶ - ۱۰:۳۲
Background image

کندهار والي او کندهار ښاروال نيالګي کښېنول

سه شنبه/۲۰- کب- ۹۸


د ولسمشر محمداشرف غني له حکم سره سم په کندهار کي د کب پر شلمه د نيالګيو کښېنولو د ملي حشر د ورځي په مناسبت نيالګي کښېنول سول.

د نيالګيو ايښودلو په دغو مراسمو کي چي. . .

BACK TO NEWS