کندهار ښاروالي د متوازني پراختیا په اساس د ښار د پنځلسمي ناحیې اړوند د ګوش خانو په سیمه کښي د یوه استنادي دیوال دجوړولو چاري عملأ شروع کړې!
د کندهار ښاروالۍ مرستیال مفتي قدرت الله (الوصال) پر داسي مهال چي سکټوري او تخنیکي رئیس احمد جاوید میوند،تخنیکي ټیم او د پنځلسمي ناحیې اولسي مشرانو یې ملتیا کول په پنځلسمه ناحیه ګوش خانو سیمه کښي د( ۵۰۰ ) متره په اوږدوالي د یوه استنادي دیوال رغنیزي چاري عملأ پیل کړې،دغه مهمه پروژه چي د کندهار ښاروالۍ په تخنیکي اومسلکي همکاري د نړیوال بانګ په مالي تمویل او د(UNOPS) همکاره برنامې په مدیریت یې په درو میاشتو کښي یې کاري او بنسټیزي چاري بشپریږي د جریان پر مهال یې په مسلکي توګه سره (۲۰ ) تنو او غیري مسلکي توګه (۹۰ ) تنو کاریګرو ته کاري فرصت برابریږي،په دې پروژه کښي ټول کار د کاریګرو په واسطه مخته ځي او د اړتیا پر مهال له ماشینیرۍ څخه استفاده کیږي.
د کندهار ښاروال مرستیال ددې پروژې په پرانیست مراسیمو کښي وویل: خوښ یم د خپل جنتي ښار د بیا جوړوني او ابادۍ زیري له ځانه سره لرو،او دغه تاریخي ښار ته په هره برخه کښي خدمت کول قوي انرژي او هوساینه مخي ته راوړي،کندهار ښاروال مرستیال وویل: زموږ هره پروژه د خلګو او ښاریانو اوږد مهاله ستونزي رفعه کوي اوخلګو ته ښاري اسانتیاوي رامنځته کوي،موږ به هڅه وکړو ترڅو ټولي پروژې په ښه معیار او ښه کیفیت سره تطبقي کړو ترڅو داښار خپله بڼه مثبت لوري ته واړوي،الوصال د عام المنفعه پروژو په ساتنه کښي اولسي همکاري او ښاریانو ملاتړ ډير اړین وبلی ځکه د اهرڅه د دوئ لپاره سرته رسیږي،وروسته د کندهار ښاروالۍ سکټوري او تخنیکي رئیس احمد جاوید میوند د کندهار ښاروالۍ له لوري په ښار کښي د انکشافي کارونو او رغنیزي چارو او همدا ډول ددې پروژې پر ارزښت باندي په مفصل ډول معلومات شریک کړه همدا ډول د سیمي اوسېدونکو د کندهار ښاروالۍ وروستي نوښتونه او پراخ انکشافي کارونه وستایل او د ګرانو ښاریانو لپاره په هره برخه د ښاروالۍ روان انکشافي څرخ دوی ښه وارزوۍ او د خپله طرفه یې د پوره همکارۍ ډاډ ورکړ.
