کندهار ښاروالي د ۶۳۱ متره په اوږدوالي او د ۸ متره په عرض سړک جوړوي
کندهار ښاروالي د ۶۳۱ متره په اوږدوالي او د ۸ متره په عرض سړک جوړوي
دوشنبه /۱۳۹۹-۴-۲۳
کندهار ښاروالي په ښار کي د پرمختیایي پراختیا په اساس د شپږمي ناحیې په جدید ګذر (شین کاریز) په ساحه کښي د ۶۳۱ متره په اوږدوالي ۱،۲۰ متره په بره سړک جوړوي او ۲،۵ متره په ارتفاع استېنادي دېوال هم جوړوي چي رغنیزي چاري یې رواني دي ددې استېنادي دېوال په څنګ کي د ۶۳۱ متره په اوږدوالي چرۍ هم په اساسي او معیاري توګه سره جوړیږي ددې تر څنګ په همدې پروژه کي درې پلچکان چي هر پلچک د ۱مترپه عرض او ۸۰،۶۰متره په طول باندي دی جوړیږي او ۷۰ داني سلبونه هم په دې پروژه کي شامل دي.
ددې پروژې په رغنیزو چارو کي په زیات شمیر خلګو ته د کار کولو زمینه برابره سوې او د عملي کېدلو سره به یې خلګو ته بهترین سهولت رامنځته سوي وي.
کندهار ښاروال انجنیر محمد رفیع حیات وایي د ښار په پنځلسو ناحیو کي د کندهار ښاروالي لخوا روان پرمختیایي او ساختماني فعالیتونه د ښاریانو ضرورتونه رفعه کوي هغه د ښاروالي د پلانونوړپه عملي کولوړکي د ښاریانو همکاري غواړي د ښاغلي حیات په خبره د ښاریانو دوامداره همکاري کولای سي د ښاروالي رغنیزي چاري نوري هم چټکي کړي.
