کندهار ښاروالي سږني پسرلي ته ډیره اماده ګي لري د کندهار ښار په ټولو ناحیو کښي د سرسبزۍ او سمسورتیا چاري چټکي سوي دي!
د کندهار ښاروالۍ د سرسبزۍ عمومي مدیر انجنیر نجیب الله (نوري) وایي: د کندهار ښاروال حسن حاجي صاحب په هدایت او سپارښتنه به روان پسرلي ته (۳۰۰۰۰) نیالګي د کندهار ښار په ټولو ناحیو کښي کښېنوي،او دغه زینتي بوټي به د کندهار ښار په ښکلا او سمسورتیا کښي مثبت رول ولوبوي.
د ښاغلي نوري په خبره د کندهار ښار عمومي واټونو،جادو او پارکونو سرسبزه ساتلو ته خاصه پاملرنه لري او د سمسورتیا په عرصه کښي له نوي نوښتونو کار اخلي ترڅو دا ښار په هره برخه کښي سرسبزه او سمسور ساتل سوئ وي.
(نوري) پر ګرانو ښاریانو ږغ کوي چي د ښاروالۍ سره د ښار د سمسور ساتني په برخه کښي لا زیاته همکاري وکړي ترڅو دغه اشرف البلاد ښار هم سرسبزه او هم زرغون ساتل سوئ وي.
