کندهار ښاروالي ـ هره پرمختیایي پروژه په معیاري او اساسي توګه سره عملي کوو.
کندهار ښاروالي د خپلو روانو رغنیزو فعالیتونو په لړ کښي د ښار د پنځلسمي ناحیې اړوند په کابل ګذر سیمه کښي د پنځو سړکانو د اساسي جوړوني چاري را پيل کړي دي ۱ـ سړک د ۳۱۳متره په اوږدوالي او ۷ متره په عرض جوړیږي .
۲ـ سړک د ۳۵۰متره په اوږدوالي ۸ متره په عرض جوړیږي چي ۵۰ متره چرۍ یې هم د جوړېدو په پلان کي سته. ۳ـ سړک د ۳۳۸متره په اوږدوالي ۷متره په عرض جوړیږي او ۳۳۸ متره چرۍ یې هم د جوړېدو په پلان کي سته . ۴ـ سړک د ۳۸۰ متره اوږدوالي ۶متره عرض لري او ۱۸متره چرۍ لري.
۵:- سړک ۲۶۰متره اوږدوالی ۷ متره عرض او ۴۰۰ متره چرۍ لري چي د جوړېدو سره به یې هم د یادي ناحیې په بنیا دي برخه کي مثبت تغیر راغلی وي او هم به د سیمي خلګوته بهتره ښاري خدمات محیا سوي وي .
یاده دي وي چي دکندهار ښاروالي په ټولو پروژو کښي خلګو ته دکارکولو زمینه برابره سوې ده .
