کندهار ښاروالۍ د خپلو روانو پرمختیایي چارو په لړ کښي دا ځل په څلورمه ناحیه کاروان سيمه کښي د یوې مهمي پروژې پرانیستنه وکړه!
کندهار ښاروال حسن حاجي صاحب د سکټوري او تخنیکي رئیس احمد جاوید میوند په ملتیا په څلورمه ناحیه کاروان کوڅه کښي د نړیوال بانګ په مالي تمویل او د(UNOPS) برنامې په مدیریت او د ښاروالۍ په تخنیکي همکاري د کاروان په کوڅه کښي د فرعي کوڅو د کانګریټ کولو چاري رسمأ پيل کړې او په یادو مراسیمو کښي یې وویل: کندهار ښاروالۍ په ښار کښي پرمختیایي چاري چټکي کړي دي اړتیا ده چي ګران ښاریان د ښاروالۍ د پلانونو ملاتړ وکړي او د خپلو عوایدو په تحویلۍ سره د ښاروالۍ په پرمختیایي برخو کښي لا چټکتیا راولي وروسته سکټوري او تخنیکي رئیس احمد جاوید میوند ددې پروژې پر مهال پر مهمو او اساسي برخو کښي معلومات وړاندي کړه او ددې عام المنفعه پروژو په ساتنه کښي یې ولسي همکاري اړینه وبلل د محل او سیمي د مشرانو په استازیتوب کریم الله وفا د کندهار ښاروالۍ روان انکشافي کارونه او پرمختیایي چاري هیله بخښوونکي وبللې او د خپلو خلګو په استازیتوب یې د همکارۍ ډاډ ورکړ .
