کندهار ښاروالۍ د نانوایانو څخه نظارت ترسره کړی
د کندهار ښاروالۍ اړوند د مارکېټونو تنظیم آمریت د داخلي تفتیش آمریت په همکاري د ښار په بېلابیلو ناحیو کي له نانوایانو څخه نظارت ترسره کړی، تر څو ډاډ ترلاسه سي چي د ډوډۍ وزن او قیمت د ټاکل سوي نرخنامې مطابق دي.
د نظارت پر مهال، هغو نانوایانو ته جدي سپارښتني وسوې چي د ډوډۍ په وزن کي ئې سرغړونه کړې وه او د مسؤلینو له لوري ټینګار وسو چي په راتلونکي کي به د ډوډۍ وزن نه کموي او د نرخنامې تطبیق ته به ژمن پاته کیږي.
یادونه: کندهار ښاروالي د نانوایانو د فعالیتونو دنظارت لړۍ په منظمه توګه دوامداره ساتي، تر څو ډاډ ترلاسه کړي، چي د ډوډۍ قيمت، کیفیت او وزن د ټاکل سوي نرخنامې سره سم وي
