کندهار ښاروالۍ سږني روان کال پسرلي ته له نوو نوښتونو کار اخلي!
سره له دې چي سږ کال کندهار ښاروالۍ ۳۰۰۰۰(دیرش زره) نیالګي د کندهار ښار په بیلابیو برخو کښي ایږدي ولي ورسره په څنګ کښي په دې نیالګیو کښي د موسمي ګلانو بیلابیلي د ښګلاوو نمونې سته چي د ایښودني سره به یې سم د کندهار ښار په ښایست او ښکلا کښي مثبت رول ولوبوي.
کندهار ښاروال حسن حاجي صاحب وائي: د کندهار ښار د ښکلا،سمسورتیا او تازه ساتلو په برخه کښي یې له هیڅ ډول ستړیاوو څخه مخ نه دی اړولی بلکي د خپل تخنیکي ټیم په مرسته یې د ښار په ټولو ناحیو کښي سرسبزۍ ته زیاته پاملرنه کړې ده،د کندهار ښار هغه ساحې چي مخکي ګلونه نه وې سرسبزه سوي د سرسبزۍ چاري یې پيل کړي او نږدې د ښار ټولو برخو ته یې سرسبزي رسولې ده.
کندهار ښاروال د ښار د سرسبزه ساتلو او سمسور ساتلو په عرصه کښي د ګرانو ښاریانو دوامداره همکاري ډیره اړینه بولي او پرګرانو ښاریانو ږغ کوي چي د خپل ښار د سرسبزه ساتلو په مورد د خپلو استوګنځيو او کاروباري ساحو په سیمه کښي موسمي زینتي بوټي کښېنوي او پر وخت یې پالنه وکړي،ترڅو د ښه او سرسبزه ښار په رامنځته کولو سره مو د ښه تهذیب استازیتوب کړئ وي.
دا په داسي حال کښي ده چي کندهار ښاروالۍ د سرسبزۍ او سمسورتیا په موخه په ټوله ښار کښي عمومي کمپاینونه راپيل کړي دي او هم یې ورسره په څنګ کښي د خلګو لپاره د عامه ذهنیت سازۍ په مورد نوي طرحي په لاره اچولي دي.
