کندهار ښاروالۍ په اوله او دوهمه ناحیه کي د ښاري نظم په موخه نظارت ترسره کړئ!
د کندهار ښاروالي اړوند د مارکېټونو تنظیم آمریت د اولي او دوهمي ناحیو او ترافیکو مدیریت په همکاري د اولي او دوهمي ناحیو اړوند له بېلابیلو ساحو څخه د څارني او نظارت چاري په داسي مهال کي ترسره کړې، کوم چي څو ورځي وړاندي په یادو ناحیو کي ټول عامه پیاده روونه د ښاریانو پر مخ د ښاري بې نظميو له شتون څخه پاک سول.
د یادي څارني او نظارت په جریان کي د مسؤلینو له لوري ټولو دوکاندارانو او رېړۍ چلوونکو ته د ښاري نظم د ټینګښت په موخه لازمي او مهمي سپارښتني هم وسوې.
درنو هیوادوالو!
د مارکیټونو تنظیم آمریت او د ښاري نظم ګډ کمېسیون له لوري به د ښاري بې نظمیو د ختمېدو په موخه د نظارت او څارني چاري په دوامداره توګه ترسره کیږي؛ ترڅو ښاریانو ته د تګ راتګ پر مهال آسانتېاوي رامنځته سي.
