کندهار ښاروالۍ په ښار کښي متوازني پراختیايي او پراخي انکشافي چاري ترسره کوي!
په پنځمه ناحیه کښي د اولسي خلګو د سهولت په منظور د ښاروالۍ له لوري د کوڅو کانګریټ کول به بهتره ښاري اسانتیاوي رامنځته کړي، دغه پروژه به راتلوونکو دوه میاشتو کښي به بشپړه سي او تر دم ګړیه یې ددې پروژې پرمختیایي چاري (٪۴۰) مخته تللي دي.
د نړیوال بانګ په مالي تمویل د( UNOPS ) برنامې په مدیریت او د کندهار ښاروالۍ په تخنیکي مرسته ددې پروژې بنیادي چاري عملاً مخته ځي، په دغه پروژه کښي په مسلکي توګه سره (۱۰) تنو کاریګرو او په غیري مسلکي توګه سره (۱۰۰) تنو کاریګرو ته کاري فرصت پیدا سوئ دی.
په دغه پروژه کښي ټول کار او چاري د کاریګرو په واسطه مخته وړل کیږي او د اړتیا پرمهال له ماشینیرۍ څخه استفاده کیږي.
کندهار ښاروال حسن حاجي صاحب وائي: د کندهار ښاروالۍ له لوري په ښار کښي په بنیادي او اساسي برخو کښي خدمات د ښاریانو لپاره بهتره ښاري سهولتونه برابروي، د کندهار ښار بڼه مثبت لوري ته اړوي، دا ښار د پرمختګ او ترقۍ پر لوري بیایي او خلګو ته کاري فرصتونه رامنځته کوي، کندهار ښاروال پر ښاریانو ږغ کوي چي د ښار په جوړونه، سرسبزه او پاک ساتنه کښي په ښه توګه سره وظیفوي مسؤلیت اداء کړي.
