کندهار ښاروال انجینر محمد رفیع حیات د خپل کار په دفتر کي د ښار نهمي ناحیې اړوند اول ګذر له اوسېدونکو سره وکتل.
د کندهار ښار نهمي ناحیې، اول ګذر اوسېدونکو ددوئ په سیمو کي د روانو رغنیزو چارو څخه خوښي وښوول !
دوئ د کندهار ښاروالۍ څخه د ملاتړ تر څنګ په نهمه ناحیه کي هغه ټول فعالیتونه وستایل چي د کندهار ښاروالۍ له لوري ترسره سوي، روان دي او تر سره کیږي.
دوئ د کندهار ښاروال سره د خپلي سیمي یو لړ ستونزي هم شریکي کړې او یاده یې کړه چي د ښاروالۍ د ټولو پلانونو په عملي کولو کي به مرسته ورسره کوي او همدارنګه د ټولو پلانونو په عملی کولو کي یې د ښاروالۍ همکاري اړینه وبلل.
کندهار ښاروال انجینر محمد رفیع حیات وویل چي موږ د متوازني پراختیا په اساس د ښار د نورو برخو تر څنګ ستاسو په سیمه کي هم خدمات عرضه کړي او لا هڅه کوو چي ښاریانو ته سهولتونه ایجاد سي .
کندهار ښاروال د پوره همکارۍ ډاډ ورکړ او د ښاروالۍ د روانو پلانونو په عملي کولو کي یې د خلکو همکاري لا مهمه وبلل.
