‎کندهار ښاروالي او کندهار پوهنتون د دوه اړخیزو همکاریو تړون لاسلیک کړ

ناپیژنده (not verified)
شنبه ۱۳۹۹/۶/۲۹ - ۹:۴۷
Kandahar Municipality

کندهار ښاروال انجنیر محمد رفیع حیات پر داسي مهال چي د کندهار پوهنتون رئیس پوهاند عبدالواحد وثیق، د پوهنتون دوو مرستیالانو او د ښاروالۍ د مشورتي بورډ غړو حضور درلودئ، د دوه اړخیزو همکاریو تړون لاسلیک کړ.

د لاسلیک پر مهال کندهار ښاروال انجنیر محمد رفیع حیات خوښي څرګنده کړه چي کندهار ښاروالي د عمومي اجرأتو تر څنګ اوس د یوه علمي، پوهنیز او اکاډمیک ځای (کندهار دولتي پوهنتون) سره د دوه اړخیزه همکاریو تړون امضاء کوي، تر څو په راتلونکي کښي د ظرفیت لوړوني، ښې حکومتولۍ او ښاري حکومتولۍ، د ښار ژوندئ ساتل، د ښاري فرهنګ پیاوړتیا، اقتصادي پرمختیا، د کندهار ښار د ستونزو سره سم څېړني تر سره کول او نورو مهمو برخو کښي به کندهار ښاروالي او کندهار پوهنتون ګډه همکاري ولري.

د کندهار پوهنتون رئیس پوهاند عبدالواحد وثیق د کندهار ښاروال د دوامداره همکاریو څخه مننه وکړه او زیاته یې کړه چي د کندهار ښار سر بېره به یاد تفاهم لیک د دواړو ادارو له پاره په کاري ساحه کښي د تجاربو شریکول یو لوی فرصت وګرځي.

د غونډي په پاي کي کندهار ښاروال انجنیر محمد رفیع حیات د کندهار پوهنتون د رئیس پوهاند عبدالواحد وثیق څخه ځانګړې مننه وکړه چي په ورین تندي ئې د کندهار ښاروالي سره هر وخت همکاریو زړه ښه کړی دئ.

تازه خبرونه

پنجشنبه ۱۴۰۳/۱/۹ - ۱۰:۳
Background image

کندهار ښاروالۍ د اتمي ناحیې اړوند په دوهم ګذر کي د ۶ کوڅو د جوړولو چاري راپیل کړي دي.

کندهار ښاروالي د خپلو پراخو پرمختیايي فعالېتونو په لړۍ کي داځل د ښار په ۸ ناحيه، ۲ ګذر کي د یوې چرۍ په شمول د ۶ کوڅو د جوړولو چاري راپيل کړي دي چي اوس مهال د ابوذر غفاري په سیمه کي د. . .

یکشنبه ۱۴۰۳/۱۲/۲۷ - ۱۰:۸
Background image

د کندهار ښاروالۍ له لوري د نهال شانۍ پسرلنۍ غونډه ترسره سوه!

کندهار ښاروالۍ د ښار سمسورولو په موخه د نهالانو د ايښودلو غونډه ترسره کړه، چي په کښي د مرستیال ښاروال مفتي قدرت الله الوصال په ګډون، د کندهار ښاروالۍ تخینکي او سکټوري رئیس مولوي. . .

یکشنبه ۱۴۰۳/۱۲/۲۷ - ۱۰:۲
Background image

د نرخونو کنټرول په موخه د نظارت لړۍ جريان لري!

د کندهار ښاروالۍ اړوند د مارکيټونو تنظیم امريت نن د کندهار ښار د دوو لويو مارکيټونو چي يو د ۵ ناحيي په مربوطاتو کي مهمند مارکيټ او بل د ۷ ناحيي د مېوې مارکيټونو څخه د ترباري د نرخونو. . .

BACK TO NEWS