د کندهار ښار په پنځلسمه ناحيه، دریم ګذر کي دیو کانال جوړولو چاري رواني دي.
کندهار ښاروالي دخپلو انکشافي فعالېتونو په لړۍ کي داځل د ښار په پنځلسمه ناحیه، دریم ګذر کي د اراضي په سیمه کي د شېر سورخ په نوم د یو کانال جوړولو چاري په اساسي ډول راپیل کړي دي.
یاد کانال چي اوس مهال ئې د سنګ کارۍ چاري رواني دي، تقریباً (۹۰۰) متره اوږدوالی، (۷۰) سانتي متره بردوالي او (۸۰) سانتي متره جګوالي لري او ددې کانال ترڅنګ د یو پلچک جوړولو چاري به هم راپیل سي.
ددې کانال ټول انکشافي کارونه یوه نیمه میاشت وړاندي شروع سوي دي، چي تر دې مهاله ئې ۴۵ سلنه کار بشپړ سوی دی او پاته کارونه به ئې ددوو میاشتو په موده کي پای ته ورسیږي.
په دې بنسټیزه پروژه کي اوس مهال (۹۸) کسانو ته دکار کولو زمینه برابره سوې ده، چي (۱۸) کسان په مسلکي ډول او (۸۰) کسان په غیري مسلکي ډول په کار کولو بوخت دي.
د سیمي اوسېدونکو د دې کانال او پلچک د جوړېدو له چارو څخه زیاته خوښي څرګنده کړه او د کندهار ښاروالۍ څخه ئې ځانګړې مننه وکړه.
