کندهار ښاروالي ښاریانو ته بنسټیز ښاري خدمات برابروي .
کندهار ښاروالي د متوازني پراختیا او رغنیزو فعالیتونو په لړ کښي د ښار د اتمي ناحیې اړوند درېیم ګذر (ملت ګذر) کښي د( ۵۰۰) متره په طول او( ۸ ) متره په عرض د یوه سړک د اساسي جوړېدلو چاري را پیل کړي دي. ددې سړک په څنګ کښي د (۵۰۰) متره په اوږدوالي استنادي دېوال او (۵۰۰) متره د سړک یوې غاړي ته چرۍ هم په نظر کښي نیول سوې ده ددې ترڅنګ په یاده پروژه کښي (۲۰۰) دانې سلبونه او دوه عدده پلچکونه د(۸)متره په طول ا و (۱) متر په عرض شامل دي.
دا په داسي حال کښي ده چي کندهار ښاروالي د ښار په پنځلسو ناحیو کښي متوازنه پراختیا رامنځته کوي او همدارنګه د ښاروالي په روانو پروژو کښي زیات شمیر خلګو ته د کار کولو زمینه برابره سوې ده.
