کندهار ښاروالي د ښار د دوهمي ناحیې اړوند د قادري سرای څخه تر نورزو شابرج پوري یو کیلومتره سړک اساسي ورغوئ
کندهار والي حیات الله حیات، د کندهار ښاروال انجنیر محمد رفیع حیات او د دوهمي ناحیې د ولسي مشرانو په ملتیا د دوهمي ناحیې اړوند له قادري سرای څخه بیا د نورزو شابرج تر چوک پوري یو کیلومتره سړک په اساس توګه ورغوئ.
کندهار والي د دې سړک د پرانیستلو پرمهال وویل پر یاد سړک ۲۵ میلونه افغانۍ لګښت راغلی دئ، چي د کندهار ښاروالي د پرمختیایي بودجې څخه ورکول سوی دي، کندهار والي د سړکانو په ساتنه کي د خلګو همکاري مهمه وبلل.
وروسته د کندهار ښاروال انجنیر محمد رفیع حیات وویل خوشحاله دئ چي نن سهار یې د کندهار ښاریانو د سهولت او ارامتیا په منظور دوې اساسي پروژې ګټي اخیستنې ته وسپارلې، ښاروال زیاته کړه چي کندهار ښاروالي متوازني پراختیا ته ژمنه ده او د ښاریانو د سهولت لپاره د دوئ لومړیتوبونو ته ځانګړې پاملرنه کوي.
په پای کي د سیمي مشرانو هم له کندهار والي او کندهار ښاروال څخه مننه وکړه چي د دوئ د سیمي سړک یې اساسي ورغوئ، هغوئ ژمنه وکړه چی د ښاروالي سره به تل همکاره پاته کیږي.
