د ملاعالم اخوند د کلي اوسېدونکو د کندهار ښاروال سره په لیدنه کي یوشمیر مشکلات شریک کړه.
کندهار ښاروال انجنیر محمد رفیع حیات د خپل کار په د فتر کي د ۱۴ناحیې اړوند د ملاعالم اخوند د کلي د اوسېدونکو سره د دوی پر ستونزو بحث وکړ.
د ۱۴ناحیې د ملاعالم اخوند د کلي ځایي مشرانو په یاده سیمه کي دبیارغوني څخه یادونه وکړه ترڅو د ښاروالۍ لخوا ورته دنورو ناحیو په څېر اساسي بیارغونه وسي،او ددوی موجوده ستونزي کوم چي تر ډيره د بیارغوني پروژې دي باید ورته توجه وسي ،کندهار ښاروال انجنیر محمد رفیع حیات د دوی سره په خبرو کښي وویل داچي ۱۴ناحیې په تیرو وختونوکي له بیارغوني څخه پاته وه هڅه اوکوښښ یې وکړ ترڅو د کارموندني پروګرام کندهار ښار را وړي او ۱۴ناحیې یې یوه برخه وګرځوي د ښاغلي حیات په خبره په ۱۴ناحیه کښي به د کارموندي پروګرام پیل کړي او پرمهال به یې اساسي او بنسټيز خدمات د ناحیې اوسېدونکوته برابرکړي، همدا رنګه کندهار ښاروال له ځایي ورغلو مشرانو څخه غوښتنه وکړه چي تاسو شوراګاني د دې پروګرام د لاري باید جوړي کړي،ولي توجه مو باید زیاته پر دې وي چي مخلص ،پاک او په کار پوه خلګ د شوراګانو د لاري انتخاب کړي ترڅو دا د کارموني پروګرام په ښه توګه سره پلی سي او ښه نتیجه ورکړي همدا ډول کندهار ښاروال وویل د متوازني پراختیا په اساس په ټولوناحیو کي ښاري خدمات محیاکوي ولي لومړیتوبونه به هغه ناحیو ته ورکړي کوم چي په تیرو وختونو کي دبیارغوني څخه پاته سوي وې.
 |
 |
