کندهارښاروال: د متوازني پراختیا په اساس په ښار کي نوي پروژې پیلوو.
کندهارښاروال انجنیر محمد رفیع حیات چي نن یې د ناحیو له امرینو سره مجلس درلودی یادي څرګندوني وکړې.
لومړی کندهار ښاروال مجلس ته د ښاروالۍ د روان عمومي وضعیت په اړه معلومات وړاندي کړه،د ملي سترخوان د پروګرام په دوهم پړاو پيلېدنه کي یې د ناحیو امرینو ته دنده وسپارل چي وړ ،غریب او مستحق کسان باید په نوې سروې کي شامل سي ترڅو ورته د ملي سترخوان د دوهم پړاو پر مهال غذایي توکي ورسیږي .
مجلس کي کندهار ښاروال یادونه وکړه چي د خپل سري خټو کنترول باید په جدي توګه سره وسي،او په دې برخه کي دناحیو امرینو ته وظیفه ورکول سول چي د پخوا په شان نور هم غیري قانانوني اعمارونه بند کړي او د خپل سري خټو په کنترولو کي دي په رسمي توګه سره ولایت مقام،امنیه قومندانۍ او ملي امنیت په جریان کي واچوي ترڅو هم مهال د خپل سري خټو مخه نیول سوې وي.
وروسته کندهار ښاروال یادونه وکړه د متوازني پراختیا په اساس به د کندهار ښار په ناحیو کښي د بیارغوني نوي پروژې پيلوي چي د ښاریانو ورځني ژوندانه ته دسهولت بهترین فرصت دی .
همدارنګه د مجلس په وروستیو کښي ښاریانو ته د ښاري ژوندانه د برابرولو په منظور کندهار ښاروال د مجلس ګډونوالو ته لازمي سپارښتني هم وکړې.
 |
 |
 |
 |
