د کندهار ښاروالۍ داولي ناحیې دتوپخانې دسړکونو دجوړولو افتتاح تر سره سو:

د کندهار ښاروالۍ د (UNOPS) موسیسې په مالي همکارۍ د( ٦٥٩٨٥) امریکایي ډالرو په لګښت د څو سړکونو د جوړولو چاري راپیل کړي چي نن یې رسماً افتتاح تر سره سوه.

چي په دې افتتاح کښي د کندهار ښاروال حسن حاجي صاحب،د ښاري حکومتولۍ رئیس حاجي تحویلدار اکا، دښاروالۍ سکټوري رئیس احمد جاوید میوند او همدارانګه نورو مسؤلینو هم ګډون کړئ وو.

د کندهار ښاروال حسن حاجي صاحب: کندهار زموږ او ستاسي ګډ کور دی او جوړیدل به یې په ګډه کوو د کندهار ښاروال حسن حاجي صاحب ښاریانو ته ډاډ وړاندي کړ چي په راتلونکي کښي به تاسي ګران ښاریان دلویو پروژو شاهدان واوسئ.

همداراز د پروژې اړوند معلومات د ښاروالۍ سکټوري او تخنیکي رئيس احمد جاوید میوند شریک کړه هغه وویل چي دغه پروژه د (UNOPS) موسیسې په مالي همکارۍ تر سره کیږي چي پکښي به ٩٠ کسانو ته د کار زمینه برابره سي.

دغه پروژه به ٧٥ ورځو په جریان کي او د ٦٥٩٨٥ امریکایي ډالرو په مالي لګښت تر سره سي.

اخیر کښي د کندهار ښاروال حسن حاجي صاحب ګرانو ښاریانو ته زیری ورکړ چي په راتلونکو ورځو کښي به تاسي د لویو پروژو دافتتاح شاهدان واوسئ.