کندهار ښاروالۍ دا ځل په اوله ناحیه کښي د (۷۸۶) متره په اوږدوالي دیوه پیاده رو د اساسي چاري راپیل کړي دي!
کندهار ښاروالۍ د خپلو روانو فعالیتونو او پراخو انکشافي کارونو په لړ کښي دا ځل په اوله ناحیه کښي د (۷۸۶) متره په اوږدوالي دیوه پیاده رو د اساسي جوړوني چاري راپیل کړي دي!
دغه پیاده رو چي پرمختیایي چاري یې د راتلوونکو دوه نیمو میاشتو په حدودو کښي په بنسټيزه، معیاري او اساسي توګه سره سرته رسیږي په دغه پروژه کښي په مسلکي توګه سره ( ۷ ) او غیري مسلکي توګه سره (۷۳) تنو کاریګرو ته کاري فرصت پیداسوئ دی، د نړیوال بانګ په مالي مرسته او د (UNOPS) برنامې په مدیریت او د ښاروالۍ په تخنیکي مرسته ددې پروژې چاري عملاً مخته ځي.
کندهار ښاروال حسن حاجي صاحب وائي: د دوی ټول پرسونل او کاري ټېم د خپلو ګرانو ښاریانو د سهولت او ارامتیا په برخه کښي د ښاریانو اساسي لومړیتوبونو ته متوجه دی او هڅه او کوښښ یې هم دادی چي د خپل کاري پرسونل سره په ګډ کار کولو سره په دې تاریخي او ویاړلي ښار کښي اساسي ښاري بنسټيز نوښتونه رامنځته کړي، ترڅو ګران ښاریان راحته سوي وي د کندهار ښاروال په وینا:کندهار ښاروالۍ په ټولو ناحیو کښي د متوازني پراختیا له مخي خورا ډيري اساسي او بنسټیزي پروژې عملأ راپيل کړي دي چي ورسره په څنګ کښي د دوی په هره رغنیزه او پرمختیایي پروژه کښي په زیات شمیر خلګو ته کاري فرصتونه پیدا سوي دي ،کندهار ښاروال وویل :کندهار ښاروالۍ به د خپلي پرمختیایي بودجې او انکشافي پلان درلودلو ترڅنګ د همکاره برنامو په مرسته هم وکولائ سي د کندهار ښاریانو د سهولت او ارامتیا لپاره بهتره ښاري سهولتونه برابر کړي.
