د پولیو واکسین ګټور دی د ماشومانو راتلونکي ژغوري .
دغه څرګندوني دکندهار ښاروالي د ښاري حکومتولي رئیس عبدالواحد شاه هاشمي په هغه غونډه کښي وکړې کوم چي د پولیو واکسین پر اغېزمنتیا باندي د ښار د نواحیو د ګذرونو دوکیلانو او د UNICEF د پولیو د برخي د نماینده ګانو ترمنځ جوړه سوې وه.
یاده غونډه چي کندهار ښاروالي کي جوړه سوې وه پر مهال یي دغونډي لومړی ویناوال دښاري حکومتولۍ رئیس عبدالواحد شاه هاشمي و هغه د پولیو پر ارزښت خبري وکړې هغه وویل زموږ وجداني او ایماني وظیفه ده چي باید د خپلو ماشومانو او راتلونکو نسلونو لپاره دروغ صحت فکر ولرو ددوی ایندې ته جدي پاملرنه وکړو ښه صحت یې باید وغواړو نو د دې لپاره چي سالیم او باصحته ماشومان مو ټولني ته تقدیم کړي وي د پولیو د کمپاینونو سره باید هر وخت کومک وکړو ،ښاغلي هاشمي د ګذرونو له وکیلانو وغوښتل چي د پولیو واکسین په هر کمپاین کي خپل د ساحو ماشومان واکسین کړي ترڅو د فلج او نورو نارو غیو څخه ژغورل سوي وي دا ځکه د ښاغلي هاشمي په خبره په نړۍ کي اوس یواځي افغانستان او پاکستان هیوادونه دي چي لا هم د پولیو پیښي پکښي ثبت دي هغه له خپله طرفه ډاډ څرګند کړ چي په تمامه معنی سره به د یاد کمپاین د ښه پرمخ بیولو لپاره همکاري کوي ،وروسته د UNICEF ادارې ولایتي مسؤلینو هم یادي غونډي ته خبري وکړې هغوي د ګذرونو له وکیلانو غوښتنه وکړه چي د پولیو په هرکمپاین کي له دوی سره کومک وکړي ځکه د مسؤلینو په و ینا که د خلګو همکاري له یادو کمپاینونو سره وي نو لیري به نه وي چي زموږ ګران هیواد به هم یومهال د دې اوبا څخه خلاص سوي وي هغوئ د پولیو په کمپاین کي دخلګو رول او اهمیت مهم وبلۍ وروسته د ښار د ناحیو د ګذرونو وکیلانو هم پخپلو ساحو کي د خپله طرفه همکاري په ډاګه کړه او یادونه يې وکړه چي ددې کمپاین سره به همکاري کوي او خپل ماشومان به هر وخت د دې کمپاین پر مهال واکسین کوي ترڅو له دایمي فلج څخه ساتل سوي وي .
پاته دي نه وي چي د غونډي په وروستۍ برخه کي هغه دګذر وکیلانوته کوم چي تیرو وختونو کي یې له یادو کمپاینونو سره مرسته او همکاري کړې وه د UNICEF ادارې لخوا تقدیر کړل سول .
