د ښوونځيو ښاروالۍ د ښاري مسؤليتونو په اړه د عامه پوهاوي کمپاين کوي

km_admin
پنجشنبه ۱۳۹۸/۹/۲۸ - ۱۱:۲۲
nabi

کندهار ښاروالي د کندهار ښار د ښوونځيو د ښارواليو کمېټو/ تمثيلي ښارواليو غړو ته د ښاري چاپېريال د پاکوالي او سرسبزي په اړه چمتو سوي د عامه پوهاوي بروشرونه ورکړل، چي د خپلو ښوونځيو زده کوونکو او ټولني ته يې ورسوي. دغه بروشرونه د کندهار ښاروالي له خوا د شهر برنامې په مرسته برابر کړل سوي دي.
کندهار ښاروالي د کندهار په اتو ښاري ښوونځيو کي د ښارواليو کمېټې جوړي کړي، چي موخه يې نوي نسل ته په بنسټيز ډول د ښاري چارو د مديريت او ښاري مسؤليتونو نظري او عملي ښوول دي. دغه کمېټې په رضاکارانه او داوطلبانه توګه په ښوونځيو کي د ښاروالي د مسؤلينو په توګه دنده اجراء کوي، د ښوونځي نورو زده کوونکو ته هم د ښاري مسؤليتونو په اړه پوهاوی ورکوي، خپله هم د ښوونځي د چاپېريال په پاکولو او سرسبزه کولو کي ونډه اخلي او نور هم هڅوي چي د مسؤلو ښاريانو په توګه د خپل ژوند چاپېريال پاک وساتي.
له دغه نوي کمپاين څخه چي د ښارواليو د کمېټو په مرسته پر مخ وړل کېږي، موخه دا ده چي نوی ښاري نسل ښار، ښاريان او ښاروالي او يو د بل په وړاندي د هغوی حقوق او وجائب وپېژني.
تمه ده چي نورو ښاري ښوونځيو کي د دغو کمېټو د جوړولو او نوي نسل ته د ښاري فرهنګ په اړه د پوهاوي له ورکولو سره به په راتلونکي کي کندهار ښار تر ډېره د مسؤلو ښاري اوسېدونکو کوربه وي او د اوس په پرتله به د ښار په وړاندي د ښاريانو د مسؤليت د احساس کچه لوړه وي.

تازه خبرونه

یکشنبه ۱۴۰۰/۸/۲ - ۱۰:۱۲
Background image

ولس زموږ دی موږ د ولس یو

دغه څرګندوني دنهمي ناحیې امر حمیم صاحب د نهمي ناحیې د ګذرونو وکیلانو، قومي مشرانو او ولسونو سره په همږغۍ مجلس کښي وکړې، حمیم صاحب وویل نهمي ناحیې ته د خدمت لپاره راغلی دی نو باید دنهمي. . .

شنبه ۱۴۰۰/۸/۱ - ۹:۴۷
Background image

کندهار ښاروال:- د خپل سرو خټو د کنتړول لپاره ډیر کوښښونه کوو

کندهار ښاروال حسن حاجي صاحب وایي په ښارکښي یې خپل سري خټي کنترول کړي او د ځمکو د غصب مخه یې نیولې ده کندهار ښاروال وایې که څوک په اصولي او قانوني شکل اعمار کوي ښاروالي قانوني اجازه. . .

چهارشنبه ۱۴۰۰/۷/۲۸ - ۱۰:۵۹
Background image

د کندهار ښآروالۍ اداري غونډه د کندهار ښاروال حسن حاجي صاحب ترمشرۍ لاندي جوړه سوه.

په اداري مجلس کي د کندهار ښاروال تر څنګ د ښاري حکومتولۍ رئيس،دعوایدو،محاسیبې مالي او اداري چارو رئيس،سکټوري او تخنیکي رئیس او د کندهار ښاروالۍ د اړوندو ناحیوامرینواو نورو اړوندو مدیرانو. . .

BACK TO NEWS