په کندهار ښار کي له قصابانو څخه د نرخونو کنټرول او نظافت ساتلو په موخه نظارت ترسره سو.
دوشنبه ۱۳ / ۱۲ / ۱۴۰۳ ه ش کال
د کندهار ښاروالۍ د مارکېټونو تنظیم آمریت د امنیه قومندانۍ په همکاري د ښار په بېلابیلو ساحو کي د قصابانو څخه د ټاکل سوي لایحې او نرخنامې مطابق نظارت ترسره کړی.
دنظارت پر مهال مسؤلینو قصابانو ته د نرخنامې عملي کولو او نظافت مراعتولو اړوند ضروري سپارښتني وکړې. له هغوی څخه غوښتنه وسوه، چي د ټاکل سوي لایحې او نرخنامې له مخي خلګو ته غوښه عرضه کړي.
همدارنګه مسؤلینو د ښار له قصابانو څخه جدي غوښتنه وکړه، چي دخپلو دوکانونو د پاکوالي لپاره ځانګړي قفسچې جوړي کړي او د ښار ښکلا ته هم لازمه پاملرنه وکړي. هغوی ته خبرداری ورکړل سو، که د ټاکل سوي لایحې او اصولو څخه سرغړونه وکړي، له قانوني چلند سره به مخ سي.
